裝修報價單檢查清單（20 項）
簽約前，用 20 個檢查點逐項核對報價單。下面係網頁版，亦可下載 PDF 帶去傾。
下載 PDF（20 項清單） WhatsApp 索取 + 問價
A. 工程範圍
- 每一項工程都有列明：清拆、水電、泥水、油漆、木工、廚房、廁所逐項分開寫。
- 有寫「唔包括」嘅項目：例如唔包拆牆、唔包傢俬、唔包電器。
- 材料有品牌、型號、規格：例如防水用邊隻、磚係乜嘢級數。
- 數量同單位清楚：平方呎、直呎、組、項，唔好只寫「一式」。
- 施工範圍有寫清楚：邊幾個房間、邊幅牆、邊個位置。
B. 價錢
- 單價 × 數量 = 小計：自己計一次，睇有無計錯或漏項。
- 「按實結算」條款：如果有，要寫明上限幾多。
- 追加工程點計：要書面報價先做，唔好接受口頭加價。
- 付款期數同比例：常見 4 期——簽約、水電、傢俬下單、驗收。
- 尾數幾時找：驗收滿意後先付，比例唔好過高。
C. 工期
- 有開工日同完工日：寫日期，唔好只寫「約 90 天」。
- 延期原因寫明：例如樓上漏水、管理處限制、材料延誤。
- 延期有無賠償或補救：口頭承諾唔算，要寫入合約。
- 施工時間符合大廈規定：先問管理處可以幾點開工。
D. 保養與責任
- 保養期同範圍：防水、水電、傢俬分別保幾久。
- 漏水、爆渠責任歸屬：邊種情況由邊方負責。
- 有第三者保險同勞保：裝修期間意外嘅保障。
E. 文件與簽署
- 有施工圖或平面圖：圖紙同報價單要對得上。
- 有公司蓋印同商業登記資料：核對公司名同收款戶口一致。
- 報價有效期：過期要重新報價，價錢可能唔同。
本清單只作檢查用途，不構成報價或合約。實際工程內容以雙方簽署之報價單及合約為準。